Concurs 2008 davert a düc: „Söl iade“.

Le Fotoclub Val Badia organisëia n concurs de fotografia cun le tema:
„Söl iade“.

Pro chësc tema tómel ite retrac da chi ch’an capësc fora che la porsona che i à fac ê söl iade da jì invalgó. Ai po mostrè posc dalunc o daimprò, olache an passa canch’an é „söl iade“

Les plü beles fotografies gnarà metüdes fora te na mostra che é preodüda por l’altonn 2008. Les prömes 10 gnarà chirides fora da na juria metüda sö dal Consëi dl Fotoclub y premiades cun la soma de 250, 150 y 100 €uro por i pröms trëi posc y de 25 €uro dal 4. al 10. post.

Regolamënt:

Le concurs é davert a düc.

Les fotografies mëss gnì menades te na busta stlüta al:

Fotoclub Val Badia, Pares 10, 39030 La Val

Pro vigni fotografia déssel ince gnì metü laprò n titul o na descriziun.

(te na mëndra busta stlüta injuntada ales fotografies, mëssel ester na lista dles foto cun inom, cognom, misciun )

Le terminn da dè jö les fotografies é ai 15 de setëmber 2008

Les fotografies mëss gnì dades jö tl format 20 x 30 cm.

Vigni partezipant al concurs po dè jö alplü 5 fotografies a corusc o a blanch y fosch.

Les fotografies po ester fates cun aparat digital o analogh (film tradizional).

Les fotografies ne gnarà nia dades zoruch y ares gnarà metüdes pro l'archif dl Fotoclub Val Badia (l’archif é regolè aladô dl statut dl Fotoclub Val Badia).

Les fotografies plü beles, gnarà metüdes fora dala mostra de fotografies dal medemo titul dl concurs „Söl iade“ che gnarà organisada dal Fotoclub Val Badia da d’altonn dl 2008.

I fotografs premià gnarà informà personalmënter tres lëtra.

En ocajiun dla daurida dla mostra gnaràl ince fat la premiaziun dles plü beles fotografies dl concurs.

Cun le menè ite les fotografies, esun ince a öna cun le regolamënt.