Concurs 2010 davert a düć: „Dolomites, patrimone dl Unesco“.

Le Fotoclub Val Badia organisëia n concurs de fotografia cun le tema:

„Dolomites, patrimone dl Unesco“.

Pro chësc tema tómel ite de vigni sort de retrać che à da nen fà cun les munts metüdes sot a sconanza.

Les plü beles fotografies gnarà metüdes fora te na mostra che é preodüda por l’altonn 2010. Les 10 fotografies plü beles gnarà chirides fora da na juria metüda sö dal Consëi dl Fotoclub y premiades cun la soma de 250, 150 y 100 €uro por i pröms trëi posc y de 25 €uro dal 4. al 10. post.

Regolamënt:

Le concurs é davert a düć.

Les fotografies mëss gnì menades te na busta stlüta al Fotoclub Val Badia, Pares 10, 39030 La Val
Pro vigni fotografia déssel inće gnì metü laprò n titul o na descriziun.

(te na mëndra busta stlüta injuntada ales fotografies, mëssel ester na lista dles foto cun inom, cognom, misciun ) 

Le terminn da dè jö les fotografies é ai 15 de setëmber 2010

Les fotografies mëss gnì dades jö tl format 20 x 30 cm.

Vigni partezipant al concurs po dè jö alplü 5 fotografies a corusc o a blanch y fosch.

Les fotografies po ester fates cun aparat digital o analogh (film tradizional).

Les fotografies ne gnarà nia dades zoruch y ares gnarà metüdes pro l'archif dl Fotoclub Val Badia (l’archif é regolè aladô dl statut dl Fotoclub Val Badia).

Les fotografies plü beles, gnarà metüdes fora dala mostra de fotografies dal medemo titul dl concurs „Dolomites, patrimone dl Unesco“.che gnarà organisada dal Fotoclub Val Badia tl altonn 2010.

I fotografs premià gnarà informà personalmënter tres lëtra.

En ocajiun dla daurida dla mostra gnaràl inće fat la premiaziun dles plü beles fotografies dl concurs.

Cun le menè ite les foto, ésun a öna cun le regolamënt