Program 2008

I mëmbri dl Fotoclub s’incunta dales 20:00 y les proieziuns mët man dales 20:30. 

• Dai 1 ai 4 de mà 2008 él l’ocajiun da jì deboriada a Fürstenfeldbruck ai „Naturfototage“.
  Informaziuns plü avisa pon ciafè sot a www.glanzlichter.com o menan na  e-mail a: fotoclubvalbadia@rolmail.net

• I dis 19, 23 y 26 de forà 2008 vëgnel metü a jì n curs da fà jö por prinzipianc y por amaturs
  che sa bele da fà jö. Le curs vëgn partì sö te trëi perts: la pröma sëra, ai 19 de forà, vëgnel insigné teoria sön co ch’an dess impostè na fotografia ,
  a ci ch’an dess ciarè canch’an fej jö.
  
  La sabeda ai 23 de forà vàn spo le danmisdé a fà jö y ai 26 s’incuntun indô da sëra a ti ciarè ales fotografies ch’an à fat,
  por odëi co ch’an ess podü les fà damì y sciöche an po les miorè cun le computer.
  
  Le curs mët man dales 20:00 tl salf dla Cassa Raiffeisen a San Martin y döra za. 2 ores por sëra.
  Le numer di partezipanc é limité a 12 porsones. Se prenotè pon pro Helmuth Elzenbaumer Tel. 0471/843331;  e-mail: elzenbaumer.h@rolmail.net

• Sabeda y domënia ai 13 y 14 de setëmber 2008: al vëgn metü a jì na jita sön munt
  y plü avisa te Fanes olache an va a fà jö la natöra, l’orì y le florì dl sorëdl. Al é preodü da stè sura nöt tla ütia de Fanes.

• Ai 15 de setëmber 2008 tómel le terminn da dè jö les fotografies dl concurs dal titul „Söl iade“.
  Pro chësc tema tómel ite retrac da chi ch’an capësc fora che la porsona che i à fac ê söl iade da jì invalgó.
  Ai po mostrè posc dalunc o daimprò, olache an passa canch’an é „söl iade“ … Le regolamënt dl concurs pon ciafè sot a www.fotoclubvalbadia.ladinia.net

• Da d’altonn  dl 2008 vëgnel metü a jì la mostra de fotografies dal titul “Söl iade” tla sënta nöia dl Istitut Ladin „Micurà de Rü“ a San Martin.